Kryetari i AAK-së, Ramush Haradinaj ka thënë se të pagjeturit mbesin plagë e hapur dhe dhembje që vazhdon.
Ai këtë deklaratë e ka bërë në Ditën Ndërkombëtare të Personave të Zhdukur, ku tha se qëndrojmë të palëkundur, për të kërkuar të vërtetën dhe drejtësinë e munguar, shkruan teve1.info
“Sot kur e gjithë bota kujton personat e zhdukur, zemra jonë rrah me familjarët që ende presin me ankth për fatin e të dashurve të tyre. Motrat, vëllezërit e fëmijët tanë të pagjetur mbesin plagë e hapur, dhembje që vazhdon. Qëndrojmë të palëkundur, për të kërkuar të vërtetën dhe drejtësinë e munguar! Jemi gjithmonë bashkë!”, ka shkruar Haradinaj.
