Lideri i AAK-së, Ramush Haradinaj vlerëson se pranimi i propozimit evropian shënon një kapitull të rëndësishëm për njohjen edhe ‘de jure’ të Kosovës.
Haradinaj ka kërkuar që ky propozim të mbështetet nga i tërë spektri politik në Kosovë.
“Këto janë momente jetike për të ardhmen e Kosovës, prandaj kërkohet një unitet politik, i cili në asnjë rrethanë nuk mund të kuptohet si mbështetje për individin”, ka shkruar Haradinaj në Facebook.
Tutje ish-kryeministri ka thënë se gjithmonë do të ketë kohë për të diskutuar për ‘kusuret’ e Kryeministrit.
“Gjithmonë do të kemi kohë t’i diskutojmë kusuret e Kryeministrit dhe të qeverisjes së tij katastrofike në planin e brendshëm. Natyrisht, mbetet edhe shumë punë për tu bërë, në mënyrë që krejt ky proces kaq i rëndësishëm, të mos degradojë e të finalizohet me sukses”, ka shkruar Haradinaj.
