Kryetari i AAK-së, Ramush Haradinaj ka takuar sot ambasadorin e ri gjerman Rainer Rudolph.
Haradinaj i ka uruar mirëseardhje ambasadorit dhe gatishmëri për të punuar ngushtë për Kosovën.
I pari i AAK-së i ka kërkuar mbështetjen e tij dhe të Gjermanisë në përkushtimin që Kosovë të jetë pjesë e NATO-s dhe BE-së.
“Prita sot në takim, ambasadorin e ri gjerman Rainer Rudolph. Ambasadorit i urova mirëseardhjen dhe i shpreha gatishmërinë të punojmë ngushtë për tema me rëndësi për vendin tonë. Duke e uruar për detyrën e re, Ambasadorin Rudolph e falënderova për kontributin e vazhdueshëm dhe të jashtëzakonshëm që e ka dhënë Gjermania për lirinë, pavarësinë dhe zhvillimin e Kosovës. Njëherësh, vlerësova rolin jetik të Gjermanisë në sigurinë e Kosovës. Kërkova mbështetjen e tij dhe të Gjermanisë në përkushtimin tonë për të qenë pjesë NATO-s dhe BE-së”, ka shkruar Haradinaj./teve1.info/
