Përmes një postimi në Facebook, Haradinaj ka thënë se pushtetarët po fshihen nga qytetarët, teksa theksoi se me suharekasit bisedoi për dialogun domosdoshmërinë e rolit amerikan në të si dhe rëndësinë e madhe që ka për vendin anëtarësimi në NATO.
“Përderisa pushtetarët po fshihen nga qytetarët, kam vazhduar sot ciklin e bashkëbisedimit me qytetarë, kësaj radhe në Suharekë. Biseduam për dialogun, domosdoshmërinë e rolit amerikan në të si dhe rëndësinë e madhe që ka për vendin tonë anëtarësimi në NATO. Gjithashtu, shpreha shqetësim për mënyrën se si po i qaset qeveria krizës në vend, çmimet në rritje, por jo edhe pagat, të cilat edhe më tutje mbesin të parregulluara me ligj”, ka shkruar ai.
Sipas tij, dobësimi dhe varfërimi i mjekëve, mësimdhënësve, policëve e zyrtarëve të tjerë të shtetit, shkakton dobësimin e sistemit shëndetësor, arsimor, atij të sigurisë dhe shtetit në tërësi. /teve1.info/
