Sipas saj, presidenti serb nuk po e don marrëveshjen finale me Kosovën dhe për këtë arsye po gjen mënyra të instrumentalizimit të serbëve të Kosovës.
“Vuçiqi nuk e do marrëveshjen finale me Kosovën, prandaj gjen mënyra të instrumentalizimit të serbëve të Kosovës përmes terrorit politik orkestruar nga Moska. Kosova për secilin veprim të qëndrojë e palëkundur në bashkëpunim të ngushtë me SHBA, KFOR-in (NATOn), dhe katër shtetet tjera aleate të Kuintit. Poashtu, të mbetet e përkushtuar për secilin propozim për marrëveshje finale që e ka vulën e Shtëpisë së Bardhë”, ka shkruar ajo.
Teksa ka kërkuar nga opozita të mos fillojë përdorimin e Serbisë për vota e sulm ndaj Qeverisë, sepse sipas saj, po e godasin veten dhe Kosovën.
“E opozita tani të mos fillojë përdorimin e Serbisë për vota e sulm ndaj qeverisë, sepse kështu e godasin veten dhe Kosovën, por të bëhen front i përbashkët politik kundër Serbisë”, shkroi tutje ajo.
Kurse sot nga LDK-ja kanë thënë se në këtë kohë, Kosovës i duhet një udhëheqje e matur që nuk bie në grackat destabilizuese të Serbisë.
Në anën tjetër edhe Ramush Haradinaj nga AAK, pas vendimit të serbëve për të dalë nga institucionet e Kosovës, ka thënë se janë momentet e fundit që kryeministri, Albin Kurti të reflektojë.
Teksa kryetari i PDK-së, Memli Krasniqi ka thënë se është obligim i Qeverisë që t’ua sqarojë qytetarëve se çka në të vërtetë është duke ndodhur atje./teve1.info./