Kryetari i Aleancës për Ardhmërinë e Kosovës, Ramush Haradinaj ka deklaruar se nuk do të takohet më me liderin e Vetëvendosjes, Albin Kurti, pasi sipas tij ai është duke bërë lojë.
Pas dështimit të seancës konstituive për të 39-ën herë, Haradinaj është shprehur se ndonëse po ftohen në takime, procesi po mbahet i bllokuar nga qeveria.
Ai ka shtuar se ‘Kurti dhe kolegët e tij e kanë ndarë mendjen vështirësu jetën në Kosovë’.
“Me u angazhu me u kthy procesi i votimit i hapur, sot provuam me reflektu këtë. Vërtetë është situatë e vështirë, shihet se Kurti dhe kolegët e tij e kanë nda menen me vështirësu jetën e Kosovës. Unë nuk kam pse me u taku sepse ai po bën lojë. Pra ua ka dhënë mundësinë Gjykata me u kthy në votim të hapur, ata nuk e respektojnë këtë. Është një situatë e rëndë. Po na ftojnë por po e mbajnë të bllokuar procesin, ne propozuam që të kthehemi në kushtetutshmëri. Duhet me pa në të ardhmen si me vepru”, tha Haradinaj.
