Kryetari i Aleancës për Ardhmërinë e Kosovës, Ramush Haradinaj ka thënë se ende nuk kanë qëndrim sa i përket votimit për presidentin apo presidenten e vendit.
Ai ka thënë se do të diskutojnë në parti për këtë.
“Do t’i vazhdojmë konsultat në parti për me marrë një qëndrim si do të veprojmë. Ende s’kemi marrë një qëndrim për presidentin e as për kandidaturën e Osmanit”, tha Haradianj.
Ai poashtu bëri të ditur se nuk është kandidat për president, ndonëse tha se nëse kjo kërkohet nga deputetët do ta shqyrtonte.
“Nuk jam kandidat për president të vendit, nëse në një rrethanë, deputetet, parlamenti do të ma kërkonin e kisha shqyrtuar, por nuk jam kandidat”, tha Haradinaj.
Kryeministri Kurti ka paralajmëruar të enjten se do të nis konsultimet me partitë politike për çështjen e presidentit./teve1.info/
