Kryetari i Aleancës për Ardhmërinë e Kosovës, Ramush Haradinaj, ka thënë se sakrifica e policit të njësisë speciale, Enver Zymberi, do të mbetët frytëzim ndër breza.
“Mbrojtja e sovranitetit dhe integritetit të vendit, siguria e qytetarëve dhe mbrojtja e rendit dhe ligjit, për Enverin ishin përtej jetës së tij. Sakrifica e tij në shërbim të vendit dhe mbrojtjes së rendit kushtetues, do mbetet frymëzim ndër breza”, ka shkruar Haradinaj.
Ai në ditën memoriale të kujtimit të gjithë policëve të Kosovës të rënë gjatë detyrës, tha se nderojnë kontributin e të gjithëve.
“Në ditën memoriale të punonjësve policorë të rënë në krye të detyrës, nderojmë kontributin e të gjithë policëve që kanë dëshmuar profesionalizëm të lartë në kryerjen e detyrave, në mbrojtje të rendit dhe ligjit në gjithë territorin e Republikës së Kosovës”, ka shkruar Haradinaj./teve1.info/
