Haradinaj përmes një postimi në Facebook, ka thënë se nga fillimi i këtij viti mbi 900 intervenime janë kryer nga zjarrfikësit vetëm në rajonin e Prishtinës, teksa ka shtuar se nga mosaprovimi i Ligjit të Pagave, ky sektor sipas tij është dëmtuar mbi 400 mijë euro.
“Mbi 900 intervenime kanë kryer zjarrfikësit tanë vetëm në rajonin e Prishtinës, që nga fillimi i këtij viti, e vitin e kaluar mbi 2 mijë intervenime. Përpos mungesës së stafit, që vërehet më së shumti tani gjatë sezonit veror, nga mosaprovimi i Ligjit të Pagave, ky sektor është dëmtuar mbi 400 mijë euro”, ka shkruar Haradinaj.
Ai tutje ka thënë se paga bazë e një zjarrfikësi vazhdon të mbetet 430 euro, e sipas tij me miratimin Ligjit për Paga planifikohej që paga të ngritej në 736 euro.
“Paga bazë e zjarrfikësit vazhdon të mbetet 430€, e me ligj planifikohej të ngritej në 736€, shto kësaj edhe rritjen çdo vit, krahas inflacionit. Qeveria po i hyn në hak secilit që shërben për shtetin tonë, që rrezikon jetën çdo ditë, për të mbrojtur qytetarët” ka thënë Haradinaj./teve1.info/
