Kryetari i AAK-së, Ramush Haradinaj, është shprehur i tronditur pas vërshimeve në Pejë, ku për pasojë humbën jetën nënë e bir.
Haradinaj, ka bërë apel që Qeveria e Kosovës, komuna dhe të gjitha institucionet përgjegjëse të veprojnë me vendosmëri e seriozitet.
“I tronditur pas vërshimeve në Pejë, apeloj që qeveria, komuna dhe të gjitha institucionet përgjegjëse, të veprojnë me vendosmëri e seriozitet. Bashkëndjej me familjen Ademaj që humbi familjarët. Bashkëndjej me të gjithë qytetarët që u dëmtuan nga vërshimet”, ka shkruar ai në Facebook.
Si pasojë e vërshimeve në këtë komunë, një grua bashkë me djalin 5-vjeçar kanë humbur jetën, derisa edhe dy persona të tjerë janë të shtrirë në Spitalin e Pejës./teve1.info/
