Kryetari i AAK-së, Ramush Haradinaj ka pritur sot në takim delegacionin nga Parlamenti i Austrisë, i përbërë nga deputetët anëtarë të grupit të miqësisë Austri – Kosovë.
Përmes një postimi në Facebook, Haradinaj ka bërë të ditur se gjatë këtij takimi kanë diskutuar për zhvillimet politike në vend, përkatësisht situatën e krijuar në veri, përcjell teve1.info
“Biseduam edhe për hapat e mëtejmë për depërshkallëzimit të situatës dhe zbatimin sa më parë të Marrëveshjes së Ohrit. Gjatë bashkëbisedimit vlerësova ndihmën e Austrisë në të gjitha fazat me rëndësi për Kosovën, si në aspektin politik dhe në atë ekonomik”, ka shkruar ai.
