Haradinaj përmes një postimi në Facebook ka thënë se 26 shtatori shënon ngjarje të rëndësishme për historinë tonë, sa krenare aq edhe tragjike.
“26 shtatori shënon ngjarje të rëndësishme për historinë tonë, sa krenare aq edhe tragjike. Me 1998, heroikisht do të bien në përballje me armikun, mësuesi Vesel Demaku me dy nxënësit e tij, Valdet Xhemajli dhe Afrim Hajdari. Po atë ditë, barbarët ekzekutuan familjen Delia, po në Abri, pa kursyer askënd nga foshnja disa muajshe e deri te plaku nëntëdhjetekatër vjeçar. Me 1991, populli i Kosovës votoi masovikisht në referendum për t’u deklaruar për Kosovën e pavarur. Akt historik, që vulosi vullnetin tonë dhe i dha shtytje procesit për liri e pavarësi. Të paharruar janë ata që sakrifikuan për Atdheun!”, ka shkruar ai.
