Partia Demokratike e Kosovës u ka bërë thirrje të gjithë qytetarëve nga Kosova dhe diaspora si dhe aktivistëve që të marrin pjesë në protestën që do të mbahet në Hagë në mbrojtje të ish – krerëve të UÇK-së.
Kryetari i AAK-së, Ramush Haradinaj e ka përkrahur këtë protestë e cila pritet të mbahet të dielën në ora 14:00 në Hagë.
Haradinaj ka bërë të ditur se kjo është një përpjekje për t’i thënë botës se lufta e UÇK-së ka qenë çlirimtare dhe e drejtë.
“Këtë të diel, më 14 shtator, bashkatdhetarët tanë në mërgatë dhe organizatat e dala nga lufta, protestojnë në Hagë për drejtësi.Qëndroj fuqishëm krah kësaj proteste dhe përpjekjes së drejtë për t’i thënë botës se lufta jonë ka qenë çlirimtare dhe e drejtë”, ka shkruar Haradinaj./teve1.info/
