Haradinaj tha se është shqetësuese cenimi i fjalës së lirë dhe medieve.
“Inkurajuese vlerësimet e DASH për disa fusha përfshirë edhe tranzicionin e FSK-së. Njëkohësisht shqetësuese, vërejtjet serioze për cenimin e fjalës së lirë dhe mediave, mosndëshkimin e korrupsionit e të tjera”, ka shkruar ai në një postim në Twitter.
Sipas tij, Qeveria t’i adresojë me urgjencë këto gjetje.
Inkurajuese vlerësimet e DASH për disa fusha përfshirë edhe tranzicionin e FSK-së.
Njëkohësisht shqetësuese, vërejtjet serioze për cenimin e fjalës së lirë dhe mediave, mosndëshkimin e korrupsionit e të tjera.
Qeveria t’i adresojë me urgjencë këto gjetje.— Ramush Haradinaj (@haradinajramush) April 13, 2022
Ndryshe, dje Departamenti i Shtetit ka publikuar raportin për të drejtat e njeriut në botë në vitin 2021, ku përfshihet edhe Kosova.
Në raport thuhet se në Kosovë çështjet e rëndësishme të këtyre të drejtave përfshinin raporte të besueshme për: kufizime serioze në lirinë e shprehjes dhe medias, duke përfshirë dhunën ose kërcënimet për dhunë gazetarëve; korrupsionin serioz qeveritar dhe mosndëshkimin dhe krimet që përfshijnë dhunën ose kërcënimet me dhunë ndaj pakicave etnike ose komuniteteve tjera të margjinalizuara. /teve1.info/
