Haradinaj përmes një postimi në Facebook, ka thënë se Kosova qëndron afër Malit të Zi në këto ditë zie.
“Shpreh ngushëllimet më të sinqerta për shtetin fqinj dhe mik, Malin e Zi, ku nga ngjarja makabre dje në Cetinë, mbetën të vrarë 11 qytetarë. Bashkëndjejmë me familjarët, miqtë dhe të gjithë qytetarët e Malit të Zi. Kosova qëndron afër jush në këto ditë zie”, ka shkruar ai.
Mali i Zi ka shpallur tri ditë zie, pas ngjarjes së djeshme në qytetin e Cetinjë, ku një 34-vjeçar i cili ka qëlluar me armë zjarri duke vrarë 11 persona, ndërsa ka plagosur 6 të tjerë. / teve1.info/
