Lideri i AAK-së, Ramush Haradinaj, ka bërë me dije se partia e tij sot do të kërkojë një konsultë mes partive politike para fillimit të seancës së Kuvendit.
Ai ka deklaruar se qëllimi i kësaj konsulte është diskutimi për kandidaturat për kryetar të Kuvendit.
“Përmes koleges tonë, Timës, që është shefe e grupit parlamentar, do të kërkojmë një konsult para seancës me shefat e grupeve dhe me kryesuesin. Nëse ka gatishmëri edhe në nivel të kryetarëve të partive, që të diskutojmë për kandidaturat. Pra, kush mundet me qenë një kandidaturë unifikuese. Është e vërtetë që pos emra që kemi cek, mund të ketë edhe të tjerë që mund ta marrin votën tonë”, ka thënë Haradinaj.
