Kryetari i Aleancës për Ardhmërinë e Kosovës (AAK), Ramush Haradinaj, ka thënë se sportistët kanë dëshmuar se janë ambasadorët tanë më të mirë.
Haradinaj bashkë me kryetarin e komunës së Suharekës, Bali Muharremaj, ka parë nga afër ndeshjen futbollistike mes FC Ballkani dhe FC Suhareka.
“Sot, me kryetarin e komunës së Suharekës, Bali Muharremaj, ishim bashkë në ndeshjen futbollistike mes FC Ballkani dhe FC Suhareka. Udhëheqësit e dy klubeve dhe trajnerët i përgëzoj për punën e palodhur”, ka thënë Haradinaj, duke shtuar se “ambasadorët tanë më të mirë dëshmuan të jenë sportistët. Është obligim i ynë t’ua ofrojmë kushtet më të mira” ka shkruar ai në Facebook.
