Kryetari i AAK-së, Ramush Haradinaj, i ka kujtuar të rënët për lirinë e Kosovës, në ditën e Dëshmorëve dhe Martirëve të Deçanit, raporton teve1.info
Përmes një statusi në Facebook, Haradinaj ka shkruar se e kujton edhe veprimtarin e çështjes kombëtare, heroin Ali Ajeti.
Ish komandanti i UÇK-së, e ka kujtuar edhe Rasim Kiçinën dhe Ragip Halitajn, të rënë në të njëjtën ditë në vitin 1999 në luftën për liri.
“Deçani ishte i pari në shumë procese ndër etapa historike për atdheun. Ishte ndër trevat e para që pësoi nga dora e agresorit të egër. Sot, i ringritur dhe duke u zhvilluar vazhdimisht, pavarësisht sfidave. Në Ditën e Dëshmorëve dhe Martirëve të Deçanit, nderuam sakrificën e tyre sublime për liri.
Po ashtu, në përvjetorin e rënies kujtojmë me pietet veprimtarin e çështjes kombëtare dhe prijësin e “Çetës së Llapit”, heroin Ali Ajeti, i cili një jetë të tërë, deri në flijim, duke u shndërruar në frymëzim të luftës kundër pushtuesit.
Po në këtë ditë, në vitin 1999, luftëtarët e dalluar të UÇK-së, Rasim Kiçina dhe Ragip Halilaj, u flijuan vetëm pak javë para fitores dhe çlirimit.
Përgjithmonë mirënjohës dhe falënderues sakrificës së të rënëve për lirinë e atdheut! Lavdi!”, ka shkruar Haradinaj.
