Kreu i AAK-së, Ramush Haradinaj ishte pjesë e promovimit të librit “Nën një qiell me pupla” të kolonel Ade Clewlow.
Haradinaj bëri të ditur se libri i Clewlow flet për periudhën e vitit 2008 dhe 2009 në Kosovë.
“Një kënaqësi e veçantë të jem pjesë e promovimit të librit “Nën një qiell me pupla” të Kolonel Lejtënant Ade Clewlow, i cili përmes përvojës së tij si oficer i NATO-s pranë TMK-së, sjell një dëshmi të çmuar për periudhën 2008-2009 në Kosovë. Vitet e para të shtetësisë sonë, të përjetuara përmes syve të një miku të Kosovës, paraqesin një pasqyrë objektive të sfidave dhe arritjeve tona”, ka shkruar Haradinaj në Facebook.
Ai tha se ky libër është një kontribut i rëndësishëm në dokumentimin e historisë së re dhe marrëdhënieve të ngushta me aleatët strategjikë.
“Falënderoj Kolonel Lejtwnant Clewlow për këtë dëshmi të sinqertë dhe për përkushtimin e tij ndaj Kosovës. Partneriteti ynë me NATO-n mbetet themelor për sigurinë dhe zhvillimin e vendit tonë”.
