Ky panair është hapur nga presidenti serb, Aleksandar Vuçiq nga kryeministri i Shqipërisë, Edi Rama dhe kryeministri i Maqedonisë së Veriut, Dimitar Kovaçevski.
E për këtë ka reaguar kreu i Aleancës për Ardhmërinë e Kosovës, Ramush Haradinaj duke thënë se mbajtja e Panairit të Verërave në Beograd dhe promovimi i tij në rajon e godet direkt biznesin e verarisë në Kosovë, shkruan teve1.info
Ai përmes një postimi në Facebook ka thënë se Kosova ka qenë dhe është shumë hapa para Serbisë në prodhim të verërave.
Tutje ai theksoi se panairi në Kosovë dënohet me mungesë rryme sipas tij, duke ia pamundësuar funksionimin normal.
“Kosova ka qenë dhe është shumë hapa para Serbisë në prodhim të verërave. Mbajtja e Panairit të Verërave në Beograd dhe promovimi i tij në rajon, godet direkt biznesin e verarisë në Kosovë.Përderisa i bëhet kaq promovim panairit në Beograd, panairi në Kosovë dënohet me mungesë rryme, duke pamundësuar funksionimin normal”, ka shkruar ai.
“Rahoveci është kryeqyteti i verërave në rajon, e që nesër si dhe çdo vit është nikoqir i “Hardh Fest”. Përkrahja e vreshtarëve tonë promovon punën e tyre dhe Kosovën në gjithë botën”, shtoi ai.
