Lideri i Aleancës për Ardhmërinë e Kosovës (AAK), Ramush Haradinaj, ka kujtuar 27 të ekzekutuarit shqiptarë nga forcat kriminale serbe në Tusuz të Prizrenit, duke thënë se këto masakra janë dëshmi e gjallë e barbarisë serbe.
“Të vetëdijshëm se po humbin luftën, pak ditë para çlirimit, shteti serb intensifikoi terrorin ndaj popullit shqiptar. Më 26 maj 1999, forcat serbe ekzekutuan 27 shqiptarë të pafajshëm në lagjen
Tusuz të Prizrenit, ndërkaq dogjën mbi 250 shtëpi në tentim për zhbërjen e qenies shqiptare”, ka shkruar ai në Facebook.
Haradinaj ka thënë se Kosova nuk do të ndalojë asnjëherë së kërkuari drejtësi për viktimat e pafajshme shqiptare të ekzekutuara nga dora e Serbisë.
