Kreu i Aleancës për Ardhmërinë e Kosovës, Ramush Haradinaj ka bërë homazhe sot tek varrezat e dëshmorëve në Mejë të Gjakovës.
Haradinaj ka thënë se masakra e Mejës është masakra më e madhe në Kosovë, shkruan teve1.info
Tutje, Haradinaj para mediave tha se në Mejë pushojnë trupat, shpirtat e shqiptarëve të pafajshëm të dy besimeve, që ëndërr kishin lirinë e Kosovës.
“Në këtë vend pushtojnë trupat, shpirtat e shqiptarëve të pafajshëm të dy besimeve fetare, po ashtu pushojnë të gjithë ata që e kishin vetëm një ëndërr lirinë e Kosovës”, deklaroi Haradinaj.
Kreu i AAK-së, shprehu mirënjohje ndaj të gjithë atyre që kanë rënë për liri.
“Ne sot i jemi mirënjohës sakrificës e të gjithëve për liri, luftës për çlirimin e Kosovës së ushtrisë çlirimtare të Kosovës, e po ashtu përulemi me respekt për ndihmën që na dha bota e përparuar, liridashëse”, ka thënë Haradinaj.
Ndër të tjerash, Haradinaj tha se trupat që ranë për liri në të gjithë vendin edhe në Mejë do të pushojnë edhe më të qetë kur Kosova të anëtarësohet në NATO, teksa shtoi se për anëtarësim duhet të punojmë që të ndodhë.
“Besoj se shpirtat, trupat e të gjithë atyre që ranë për liri edhe këtu në Mejë të pushtojnë teqetë, edhe më qetë kur Kosova anëtarësohet në NATO, duhet tëpunbojnë tëgjithë që kjo të ndodhë”, deklaroi Haradinaj./teve1.info
