Haradinaj, përmes një postimi në Facebook, tha se Qeveria duhet të ketë kujdes në këtë fazë në mbrojtjen e interesave nacionale të Kosovës.
“Qytetarëve në Obiliq iu shpreha bindjen time se marrëveshja finale me njohjen reciproke ndërmjet Kosovës dhe Serbisë është afër. Marrëveshja i hap Kosovës rrugën drejtë NATO-s dhe Bashkimit Evropian. Qeveria duhet të ketë kujdes në këtë fazë në mbrojtjen e interesave nacionale të Kosovës”, ka thënë Haradinaj.
I pari i AAK-së tha se roli i partisë së tok është që të ndihmojë këtë proces.
“Sa i përket gjendjes së brendshme, qeveria Kurti ka bërë gabime të njëpasnjëshme. Qasja e tij në qeverisje, sektor të sigurisë dhe energjisë, kanë shkaktuar rënie drastike në ekonomi dhe kanë dobësuar pozitën e Kosovës”, ka treguar Haradinaj.
Ai ka takuar sot kryeministrin, Albin Kurti për të biseduar për përmbajtjen e kornizës themelore të marrëveshjes me Serbinë. Haradinaj e ka quajtur përmbajtjesor takimin me kryeministrin Albin Kurti.
