Daut Haradinaj nga Aleanca për Ardhmërinë e Kosovës, ka thënë se Ligji i Pagave nuk i përmbush kërkesat e policëve.
Ai përmes një shkrimi në Facebook ka kërkuar nga kryeministri i vendit Albin Kurti, që të reflektojë sepse sipas tij, policët janë të zhgënjyer me nivelin e trajtimit që ju jep ky ligj.
“Çdo herë, Policia e Kosovës është në krye të detyrës. Ne, me të drejtë krenohemi me punën e tyre. Por, trajtimi i tyre në Ligjin e Pagave as për së afërmi nuk i përmbush nevojat e tyre. Shumë prej tyre më kanë shkruar, të zhgënjyer me nivelin e trajtimit që ju jep ky ligj. Edhe pse pritej që t’iu rritet paga, me ligjin e ri për shumë pjesëtarë madje parashihet edhe ulja e tyre. Kryeministër, reflekto”, ka shkruar ai./teve1.info./
