Kryetari i AAK-së, Ramush Haradinaj e ka cilësuar lajm të mrekullueshëm liberalizimin e vizave për Kosovën.
Ai tha se falënderim i veçantë shkon për eurodeputetët dhe për gjithë ata që kontribuuan që ky proces të përmbyllet me sukses, shkruan teve1.info
“Lajm i mrekullueshëm nga Parlamenti Evropian, që sot heqi pengesën e fundit për liberalizimin e vizave për Kosovën! Falënderim i veçantë për eurodeputetët për marrjen e këtij vendimi meritor dhe për gjithë ata që kontribuuan që ky proces të përmbyllet me sukses.
Tani është momenti që Kosova po ashtu ta marrë sa më shpejt konfirmimin për anëtarësim në Këshillin e Evropës dhe fillimin e Partneritetit për Paqe. Urime Kosovë!”, ka shkruar Haradinaj në Facebook.
Ndryshe, Parlamenti Evropian sot ka liberalizuar vizat për Kosovën.
