Kryetari i Aleancës për Ardhmërinë e Kosovës, Ramush Haradinaj, thotë se kryeministri i Kosovës, Albin Kurti, nuk i beson sistemit të shtetit, por krijon sistem paralel.
Haradinaj, thotë se Kurti angazhon “jarana” të tij në operacionet më të ndjeshme të qeverisë e të shtetit.
“Albin Kurti është i vetmi kryeministër që nuk i beson sistemit të shtetit të vet, por krijon sistem paralel. Ai edhe për operacionet më të ndjeshme të qeverisjes e të shtetit, që prekin edhe sigurinë kombëtare, angazhon njerëz që janë jashtë institucioneve, por që mjafton të jenë jarana të tij, siç ishte edhe rasti me Ridvan Muharremin”, ka shkruar Haradinaj në Facebook.
Tutje, ai thotë se këto janë lidhjet e shkurta të kapjes së shtetit me miq e dosllarë.
“Këto janë ato lidhjet e shkurtëra të kapjes së shtetit me miq e dosllarë, për të cilat e kam pasë ngritur alarmin këtu e një vit më parë, lidhje këto të cilat po dalin në shesh përditë e më shumë”, ka shkruar ai./teve1.info/