Anëtari i kryesisë së AAK-së, Daut Haradinaj, ka reaguar pas shkrimit të kryeministrit Kurti për ish-kryeministrin serb Zoran Gjingjiq, i cili e quajti atë lider që nuk bashkëpunoi me Millosheviqin dhe shtoi se në kohën e tij ishte periudha e vetme kur lulëzoi demokracia në Serbi.
Haradinaj ka shkruar se Kurti e ka një zor që po i vajton Ivanoviqin e Gjingjiqin.
“Një zor i madh duhet të jetë tek Albini që po i vajton ata që shkaktuan dhembje mbi popullin shqiptar. Dje thurri lavde për Ivanoviqin e sot për Gjingjiqin. Deri ku do shkojë logjika e tij, veç një Zot e din! Ama që e ka një zor, e ka”, ka shkruar Haradinaj.
