E kryetari i Alenacës për Ardhmërinë e Kosovës, Ramush Haradinaj ka kujtuar masakrën e Rezallës të Skenderajt.
Haradinaj ka thënë se 5 prili sjellë kujtimin për trimat e rrallë që kishte Ushtria Çlirimtare e Kosovës, raporton teve1.info
“Kujtoj me respekt heroizmin e bashkëluftëtarit tim Naser Brahimaj, me pushkën e të cilit u shënuan shumë beteja të Luftës Çlirimtare. Sot kujtojmë po ashtu, jetët e pafajshme që barbarët i rrëmbyen në Rrezallë të Drenicës dhe në Llovcë të Gjilanit. Këto masakra, nga të cilat ende shumë të pagjetur, janë plagë e hapur e Kosovës dhe i japin zë, thirrjes sonë për drejtësi”, ka shkruar Haradinaj.
Tutje Haradinaj ka deklaruar se sot janë bërë 3 vjet pa gruan e cila bëri dhe e shkroi historinë, zërin e UÇK-së, Fetnete Ramosaj.
“Përjetësisht përulem para sakrificës së atyre që dhanë nga jeta e tyre për lirinë tonë! Respekti për ta forcon themelet e lirisë dhe shtetit të Kosovës”, shtoi lideri i AAK-së.
