Kryetari i AAK-së, Ramush Haradinaj, i ka kujtuar luftëtarët e brigadës 133 “Adrian Krasniqi” dhe martirët e heronjtë e në Lubizhdë të Hasit, raporton teve1.info
Përmes një statusi në Facebook, Haradinaj ka thënë se luftëtarët e kësaj brigade gjatë betejave të prillit i treguan armikut se pranvera e ardhshme do ta gjejë Kosovën të lirë.
“Brigada 133 “Adrian Krasniqi” e Zonës Operative të Dukagjinit, që nga themelimi i saj, ishte krah i fortë i luftës për liri. Me betejat e tyre, ata nderuan emrin e heroit Adrian Krasniqi, Ushtrinë Çlirimtare të Kosovës dhe mbarë shqiptarët.
Kujtojmë sot betejat e Prillit, kur luftëtarët e kësaj brigade, me heroizmin e tyre, i treguan armikut se pranvera e ardhshme do ta gjejë Kosovën të lirë.
Sot, gjithashtu në nderim të martirëve dhe heronjve në Lubizhdë të Hasit, kujtojmë me pietet sakrificën e tyre madhore për atdheun dhe nderojmë kontributin e rajonit të Hasit për liri. Gjatë gjithë përpjekjeve shekullore, ky rajon ishte aty ku shkruhej historia.
Lavdi e përjetshme të rënëve për liri!”, ka shrkuar Haradinaj.
