Kryetari i AAK-së, Ramush Haradinaj, ka nderuar rënien heroike të luftëtarit, Sadri Zeneli, ku ka thënë se ishte ndër të parët në Ushtrinë Çlirimtare të Kosovës.
Haradinaj ka thënë se Zeneli ishte mësues, prijës popullor, komandant lufte, si dhe i pari në rezistencë kundër okupimit e i pari në aksione.
“Jabllanica e Gjakovës i dha luftës çlirimtare, disa prej luftëtarëve e komandantëve më të zotë, që i dhanë kahje fatit të shumë betejave kundër armikut”, ka shkruar i pari i AAK-së në Facebook.
Në 24-vjetorin e rënies, Haradinaj ka kujtuar edhe bashkëluftëtarët, Arben, Bajrush, Ramë Mehmetaj, Lan Rexhaj, Ali Ramën dhe Fitim Rexhën. /teve1.info/
