Kryetari i Aleancës për Ardhmërinë e Kosovës, Ramush Haradinaj, ka konfirmuar shkëputjen e kontratës së qirasë në objektin që e shfrytëzonte kjo parti nga Ministria e Bujqësisë, raporton teve1.info
Përmes një statusi në Facebook, Haradinaj ka thënë se e konfirmon shkëputjen e kontratës së qiramarrësit derisa e ka falënderuar qiradhënësin për bashkëpunim.
“Pas kërkesës së palës kontraktuese për shkëputjen e njëanshme të kontratës për shfrytëzimin me qera të hapësirave prej 569 m2, me çmim mujor prej 4552 eurosh në muaj nga Aleanca për Ardhmërinë e Kosovës, njoftoj opinionin publik se edhe ne si palë kontraktuese konfirmojmë shkëputjen e kontratës nga cilësia e qiramarrësit në afatin e paraparë ligjor. E falënderojmë qiradhënësin për bashkëpunimin e deritashëm!”, ka shkruar Haradinaj.
