Kryetari i Aleancës për Ardhmërinë e Kosovës, Ramush Haradinaj ka thënë se koha e improvizimeve ka mbaruar dhe se më 9 shkurt do të ndodhë ndryshimi në Kosovë.
Ai ka thënë se me anëtarësimin direkt të Kosovës në NATO , rritjen e pensioneve, mbështetjen për bujqësi dhe modernizmin e arsimit e shëndetësisë, do të krijohet siguri e zhvillim ekonomik.
“Koha për improvizime ka mbaruar – është momenti për veprim të vendosur dhe qeverisje të përgjegjshme që zgjidh problemet reale të qytetarëve. Më 9 shkurt, ndryshimi vjen me Kosovën Fituese!”, ka thënë Haradinaj në një tubim në Kaçanik, ku e pranishme ishte dhe kandidatja për deputete nga kjo komunë Hafize Sallahu.
Haradinaj ka thënë se qeverisja aktuale ka dështuar në realizimin e projekteve në këtë komunë, ku përmendur stadiumin e këtij qyteti.
