Kryetari i Aleancës për Ardhmërinë e Kosovës, Ramush Haradinaj, i ka bërë thirrje Kuvendit të Kosovës ta rrëzojë Qeverinë Kurti.
Ai ka thënë se dialogu dhe qeverisja janë në rrugë të gabuar, rrugë kjo e cila sipas tij, i ka sjellë vendit shumë dëme.
Haradinaj në seancën e Kuvendit, ka thënë se është detyrë e parlamentit të shpëtojë Kosovën, duke rrëzuar Qeverinë Kurti, përcjell teve1.info.
“Nëse dikush beson që Kurti mund ta nxjerrë nga kjo rrugë Kosovës është gabim. Nuk mundemi me shpresu që dikush që e ka fut vendin në këtë situatë mund ta shpëtojë. Është detyra e parlamentit me nxjerrë Kurtin nga rruga e gabuar, ne si parlament duhet të marrim përgjegjësinë Është përgjegjësi e të gjithëve, përfshirë edhe shumicën në Kuvend që i ka dhënë besimin, ju lus shqyrtone a është në rregull me vazhdu këtë gjendje çfare e kemi në vend? Është përgjegjësi e jona ta ndihmojmë Kosovën, ta shkarkojmë Qeverinë Kurti”, ka thënë Haradinaj.
AAK ka iniciuar një mocion mosbesimi ndaj Qeverisë Kurti që disa muaj, por i cili ende nuk është finalizuar./teve1.info/
