Përmes një postimi në Facebook, ai i bëri këto deklarata pas takimi që pati Kurti me Shefin për Politikë të Jashtme të BE-së, Josep Borrell, Emisarin për dialogun, Miroslav Lajçak rreth vendimit për targa i cili rezultoi pa ndonjë marrëveshje mes palëve.
Tutje, Haradinaj ka kërkuar nga kryeparlamentari, Glauk Konjufca të thërras seancë të jashtëzakonshme që të miratohet rezoluta e AAK-së.
“I bëj thirrje Kryeministrit ta pezullojë zbatimin e vendimit për targat deri në arritjen e marrëveshjes për njohje të ndërsjellë. I bëj thirrje Kryetarit të Kuvendit që urgjentisht ta thërras Parlamentin në seancë të jashtëzakonshme, që të miratohet Rezoluta e propozuar prej AAK, për tejkalimin e situates së krijuar”, shkroi ndër tjerash ai.
Po ashtu, kreu opozitar kërkoi nga presidentja, Vjosa Osmani të qetësojë situatën dhe të kapërcej ngërçin e krijuar, teksa serbëve të përmbahen nga aktet e dhunës.
“Po ashtu i kërkoj Presidentes të marrë rol aktiv në qetësimin e situatës dhe në kapërcimin e ngërçit të krijuar. I ftoj të gjithë qytetarët serb që të përmbahen nga aktet e dhunës dhe të mos bien pre e kalkulimeve politike të regjimit në Beograd. Është momenti i fundit që qeveritë në Beograd e në Prishtinë, të ulen e të bien në ujdi për marrëveshjen e paqes për njohje, e të heqin dorë nga veprimet që rrezikojnë jetët e njerëzve!”, thuhet në postim./teve1.info/
