Ish-kreu i Aleancës, Ramush Haradinaj, vlerëson se në zgjedhjet e fundit në Kosovë ka pasur një mobilizim nga Lëvizja Vetëvendosje që Aleanca të mos e kalonte pragun për t’u futur në parlament.
“Ka pasur mobilizim nga VV-ja dhe Kurti që Aleanca të mos e kalonte pragun, pasi ajo ka qenë një lloj therre për ta, fatmirësisht, kjo përpjekje dështoi dhe u vërtetua se Aleanca nuk mund të zhduket e as të anashkalohet”, deklaroi Ramush Haradinaj.
Ai thotë se Aleanca e drejtuar nga kryetari Ardian Gjini është një parti e konsoliduar.
“Aleanca nuk mund të zhduket e as të anashkalohet. Jemi parti e konsoliduar edhe me kryetarin e ri, Ardian Gjini”, theksoi Ramush Haradinaj.
