Haradinaj përmes një postimi në Facebook ka thënë se për të dhe për partinë e tij çështja e dialogut për njohje gjithmonë ka qenë çështje mbipartiake, raporton teve1.info
“I jam përgjigjur pozitivisht ftesës së Kryeministrit Kurti, për një bashkëbisedim lidhur me takimet e fundit që janë zhvilluar në Bruksel. Për mua dhe Aleancën, çëshja e dialogut për njohje, gjithmonë ka qenë çështje mbipartiake. Këtë përcaktim e kam pasur edhe gjatë kohës sa e kam udhëhequr qeverinë e vendit. Gjithmonë kam konsideruar se për tema të interest nacional, nuk ka qeveri dhe opozitë. Të gjithë e kanë pjesën dhe rolin e tyre”, ka shkruar ai.
“U jam mirënjohës të dërguarit amerikan Escobar, ambasadorit amerikan në Prishtinë, Hovenier, si dhe përfaqësuesit të BE Lajçak, për angazhimin e tyre të jashtëzakonshëm, por edhe për faktin se në baza ditore na kanë mbajtur të informuar për krejt çfarë ka ndodhur në Bruksel”, shtoi ai.
Ndryshe, kryetari i PDK-së, Memli Krasniqi dhe kryetari i LDK-së, Lumir Abdixhiku ende nuk i janë përgjigjur ftesës së kryeministrit Kurti për të marrë pjesë në takim./teve1.info
