Kryetari i Aleancës për Ardhmërinë e Kosovës (AAK), Ramush Haradinaj, ka falënderuar presidentin e Shqipërisë, Bajram Begaj për vizitën e tij në Gllogjan.
Haradinaj dhe Begaj kanë nderuar të rënët për liri në kompleksin memorial “Dëshmorët e Kombit” në Gllogjan.
“Gjaku s’bëhet ujë, së bashku me Presidentin e Shqipërisë nderuam të rënët për liri në kompleksin memorial ‘Dëshmorët e Kombit’ në Gllogjan. Lavdi të rënëve për liri! Faleminderit President Begaj”, ka shkruar Haradinaj në Facebook.
Komuna e Deçanit nderoi presidentin Begaj duke i dedikuar titullin ‘Qytetar nderi i Deçanit’.
