Kryetari i AAK-së, Ramush Haradinaj i ka shtruar disa pyetje kryeministrit të Kosovës, Albin Kurti në lidhje me sektorin e energjisë në vend.
“Pse po dështon ndërtimi i kapaciteteve të reja energjetike në vend? Pse ka dështuar Kosova C? Pse ka dështuar Kosova e Re? Pse ka dështuar remonti i termocentraleve i paraparë të kryhej gjatë verës? Pse janë paguar dhjetëra milionë për blerjen e rrymës me çmime astronomike gjatë dimrit? Pse paguhen dhjetëra milionë të tjerë për rrymën e vjedhur në veri? Pse është refuzuar gazi amerikan? Pse e ke refuzuar komisionin hetimor për blerjen e energjisë?”, ka shkruar Haradinaj në Facebook.
Haradinaj e ka pyetur Kurtin edhe për skandalin ku dyshohet se është përfshirë ambasadori i Kosovës në Kroaci, Martin Berishaj.
“Pse njeriu yt po përflitet të jetë pjesë e skandalit financiar të një kompanie mafioze energjetike? Fol Kryeministër. Shpjegoja popullit ku je ti në këtë histori?”, ka thënë ai. /teve1.info/
