Kryetari i AAK-së Ramush Haradinaj ka reaguar pas lajmit se Qeveria e Kosovës u ka bërë kërkesë Shteteve të Bashkuara të Amerikës për të blerë raketa anti-tank Javelin.
Sipas Haradinajt, zyrtarët qeveritarë në vend se të krekoset duhet të jap llogari pse janë vonuar kaq shumë, pasi që ato qysh më 2018 kanë qenë në plan për tu blerë.
“Për informimin e opinionit publik, qysh në vitin 2018, në planin 10-vjeçar të zhvillimit të Ushtrisë së Kosovës, kanë qenë të dakorduara blerjet e sistemeve anti-tank, përfshirë edhe raketat Javelin dhe jo vetëm! Kjo qeveri, sot nuk mund të krekoset pse paska bërë një kërkesë për blerje të këtij sistemi anti-tank, por duhet të japë llogari pse është vonuar kaq shumë!”, ka shkruar ai në facebook.
Po ashtu ai ka thënë se Qeveria duhet të japë përgjigje pse nuk ka përmbushur objektivat e dakorduara me planin 10-vjeçar të furnizimit të Ushtrisë së Kosovës me armatim të domosdoshëm, edhe pse i kanë tepruar dhjetëra milionë të parapara për blerje të armatimit dhe mjeteve të tjera logjistike për FSK-në. /teve1.info/
