Pëmes një postimi në Facebook, Haradinaj i është drejtuar qeveritarëve duke thënë se rritja ekonomike sipas Bankës Botërore është 3.1 për qind e jo siç e kanë projektuar qeveria 10.5 për qind.
Haradinaj theksoi se deklaratat për rritje ekonomike pa fakte janë ofendime për vendin e për popullin, shkruan teve1.info
“Rritja ekonomike sipas Bankës Botërore është 3.1% e jo siç e projektuat ju 10.5%. Inflacioni, poashtu sipas Bankës Botërore, është 19.1%. Kjo i bjen se fuqia blerëse e qytetarit të Kosovës, është përgjysmuar.S’ka si të jetë ndryshe, kur janë shtrenjtuar gjithë artikujt e domosdoshëm për jetesë, e qeveria e ka bllokuar Ligjin e Pagave! E ka bllokuar edhe ndërtimin e kapaciteteve të reja energjetike, siç ishte “Kosova e Re” dhe gazsjellësi amerikan, me arsyetime qesharake, se megavati prej 80 eurove i dukej i shtrenjtë, e sot, çmimi i tij pothuajse është dhjetëfishuar”, ka shkruar Haradinaj.
Sipas tij, nga 706 milionë të planifikuara me buxhetin e shtetit për investime kapitale janë realizuar vetëm një e dhjeta e tyre, teksa shtpi se në çdo sferë ekonomike e sociale ka rënie drastike.
Tutje kreu i AAK-së, tha se rritje kanë shëruar vetëm importet e mallrave nga Serbia, duke thënë se Qeveria Kurti ka kapërcyer çdo parashikim e që importet nga Serbia prej 174 milionë kanë mbërritur në mbi 360 milionë.
“Rritje kanë shënuar vetëm importet e mallrave nga Serbia. Kjo qeveri e ka kapërcyer çdo parashikim dhe importet nga Serbia prej 174 milionë në vitin 2020, kanë mbërritur në mbi 306 milionë euro, që është për 76 % më shumë nga viti paraprak”, shkroi ai.
