Kryetari i Alenacës për Ardhmërinë e Kosovës, Ramush Haradinaj ka takuar drejtorin kryesor për Evropën dhe Politikat e NATO-s në Zyrën e Sekretarit të Mbrojtjes, Anton Buland në Pentagon.
Haradinaj ka thënë se në takimin me Buland ka theksuar një process të përshpejtuar të anëtarësimit të Kosovës në NATO.
Tutje, ai ka bërë të ditur se anëtarësimi i Kosovës në NATO ndihmon sigurinë dhe stabilitetin në Kosovë dhe rajon.
“Gjatë takimit me z. Buland argumentova nevojën për anëtarësimin e përshpejtuar të Kosovës në NATO. Theksova se një proces i përshpejtuar i anëtarësimit të Kosovës në NATO e ndihmon sigurinë dhe stabilitetin në Kosovë dhe rajon. Theksova se Kosova dhe Ushtria gjithmonë do të jetë në krah me Amerikën dhe shteteve tjera anëtare të Aleancës veri-atlantike të NATO-s”, ka shkruar Haradinaj në Facebook.
Madje, ai e ka falënderuar Buland për angazhimin që Ushtria dhe Qeveria Amerikane e ka në mbështetje të popullit të Kosovës dhe institucioneve të saj./teve1.info/