Tre qytetarë, dy meshkuj dhe një femër me shtetësi të Kosovës janë arrestuar, pasi kishin strehuar një të moshuar kinse në shtëpi për të moshuar, me qëllim të përfitimit nga 1 mijë euro në muaj, raporton teve1.info
Sipas Policisë së Kosovës, me vendim të Prokurorit, njëri mashkull është dërguar në mbajtje, kurse dy të arrestuarit tjerë janë liruar në procedurë të rregullt hetimore.
“Gjilan 10.02.2023 17:20 Më 03.03.2023 janë arrestuar 3 të dyshuar (dy meshkuj dhe një femër) kosovarë pasi që dyshohet se te njëjtit kanë mbikëqyrur dhe trajtuar në mënyrë jo të ligjshme viktimën femër kosovare – e moshuar. Të dyshuarit kinse kanë hapur një “Shtëpi për të moshuar”, ku për qëllim të përfitimi personal, në këtë rast për sistemimin e të moshuarës, familjarët e saj kanë paguar 1000 € për muaj. Me vendim të prokurorit njëri i dyshuar mashkull është dërguar në mbajtje, kurse dy të dyshuarit e tjerë jenë liruar në procedurë të rregullt”, thuhet në njoftimin e Policisë.