Ministria e Kulturës ka njoftuar se është hapur thirrja për mbështetjen autorit, shuma maksimale për individë është 5 mijë euro kurse për organizata 10 mijë euro, raporton teve1.info
“Duke e konsideruar librin si një mjet të rëndësishëm për të nxitur kulturën, artin dhe krijimtarinë, kjo thirrje synon të inkurajojë zhvillimin e librit në mënyra inovative dhe të përshtatshme për kohën tonë. Të drejtë aplikimi me projekt-propozime kanë individët dhe OJQ-të që dëshmojnë se programi i tyre i punës është i profilizuar në fushën e librit, leximit dhe kulturës”, thuhet në njoftim.
Sipas komunikatës, kategoritë e thirrjes janë:
Zhvillim, botim dhe përkthim i librave;
Programe të nxitjes së lexueshmërisë;
Zhvillim të audio-librit;
Rezidenca letrare.
Shuma maksimale e mbështetjes për organizatat është 10,000 euro teksa për individët 5,000 euro”, thuhet në njoftim.
Derisa afati i fundit për aplikim është data 19 qershor 2023.
🔗Thirrja e plotë: https://mkrs-ks.org/?page=1,114
