Qendra Kombëtare për Menaxhim Kufitar ka njoftuar për hapjen sezonale të përkohshme të Pikës së Kalimit Kufitar Strazimir, që lidh Republikën e Kosovës me Republikën e Maqedonisë së Veriut.
Sipas njoftimit zyrtar, PKK Strazimir do të jetë e hapur për qarkullim nga data 25 korrik deri më 25 shtator 2025.
“Kjo masë është marrë për të lehtësuar qarkullimin gjatë sezonit të verës, kur fluksi i udhëtarëve, veçanërisht mërgimtarëve, është më i lartë se zakonisht”, thuhet në njoftim.
Qendra fton qytetarët që të shfrytëzojnë këtë pikë alternative për të shmangur pritjet e gjata në pikat kufitare të ngarkuara gjatë sezonit.
Detaje shtesë mbi vendimin dhe funksionimin e përkohshëm të kësaj pike kufitare mund të gjenden në dokumentin e publikuar më poshtë nga Qendra Kombëtare për Menaxhim Kufitar.
