Kosova ka hapur konsullatën e saj në Varshavë të Polonisë, ka njoftuar ministrja e Jashtme e Kosovës, Donika Gërvalla.
Ajo ka thënë se Polonia ka potencial të madh të bashkëpunimit ekonomik, të cilën tha se e ka falënderuar për mbështetjen që i ka dhënë Kosovës.
“Hapëm Konsullatë e Përgjithshme te Republikës së Kosovës në Varshavë të Polonisë, të udhëhequr nga Ambasadori, Drilon S. Gashi. Gjatë kësaj ceremonie falënderova shtetin e Polonisë për mbështetjen e dhënë ndër vite për Kosovën duke vënë në pah rolin e madh të dy figurave të rëndësishme polake, ish-kryeministrit Mazowietzky dhe Papa Gjon Palit II për përkrahjen e tyre në ditët e vështira të okupimit serb si dhe për mbështetjen e madhe të Polonisë për anëtarësimin në Këshillin e Evropës dhe organizata tjera ndërkombëtare”, ka shkruar Gërvalla.
Ajo ka thënë se në ceremoninë e hapjes morën pjesë ministria të Qeverisë së Polonisë dhe ambasadorë të akredituar në Poloni.
