Kryetari i PDK-së, Bedri Hamza ka takuar ambasadorin e ri gjerman, Rainer Rudolph, duke e uruar për mirëseardhje në Kosovë.
Hamza e ka njoftuar ambasadorin për zgjedhjet e ardhshme, si dhe për gatishmërinë për t’i formuar institucionet e reja sa më shpejt.
Në këtë takim, ai ka theksuar heqjen e sanksioneve të BE-së ndaj Kosovës, si dhe mbështetjen për anëtarësimin në KiE.
“Ambasadorit të ri gjerman, Rainer Rudolph, i urova mirëseardhje në Kosovë dhe e njoftova për përgatitjet për zgjedhjet e ardhshme, si dhe për gatishmërinë time për t’i formuar institucionet e reja sa më shpejt. Në takimin tonë theksova se nga partnerët ndërkombëtarë presim përkrahje në skenën ndërkombëtare, me heqjen e sanksioneve të BE-së, mbështetjen për anëtarësimin në Këshillin e Evropës dhe marrjen e statusit të vendit kandidat për BE. Kosova ka vetëm një drejtim përpara: rrugën euroatlantike”, ka shkruar Hamza./teve1.info/
