Kryetari i Partisë Demokratike të Kosovës dhe kandidati për Kryeministër, Bedri Hamza, ka mbajtur sot një takim me veteranët e Ushtrisë Çlirimtare të Kosovës, familjarët e dëshmorëve dhe invalidët e luftës, ku ka ritheksuar mirënjohjen e përjetshme për sakrificën e tyre dhe zotimet konkrete të PDK-së për mbrojtjen e dinjitetit të luftës çlirimtare dhe përkrahjen e kategorive të dala nga lufta.
Hamza prezantoi zotime konkrete për veteranët dhe familjet e dëshmorëve, duke premtuar rritje prej 50% të mbështetjes financiare për familjet e dëshmorëve, invalidët dhe veteranët e UÇK-së, si dhe rritje të pagave dhe pensioneve.
Hamza e cilësoi 28 dhjetorin si një betejë politike për dinjitet dhe bëri thirrje për mobilizim qytetar.
“Më 28 dhjetor: ose e mbrojmë UÇK-në, ose ajo mbetet nën mëshirën e atyre që votuan kundër veteranëve”, tha Hamza thuhet në komunikatën e PDK-së.
Ai tha veterantët janë Kosova, mburoja e këtij shteti dhe arsyeja pse sot jemi të lirë.
“Pa sakrificën tuaj nuk do të kishte Republikë të Kosovës”, tha Hamza.
