Kryetari i Partisë Demokratike të Kosovës, Bedri Hamza ka pritur në takim ambasadorin e Shqipërisë në Kosovë, Petrit Malaj.
Në këtë takim ai ka njoftuar se është diskutuar për forcimin e lidhjeve kombëtare dhe bashkëpunim mes dy vendëve.
Hamza ka thënë se marrëdhëniet Kosovë – Shqipëri shkojnë përtej diplomacisë.
“Bashkëbisedim i hapur me ambasadorin Petrit Malaj për forcimin e lidhjeve kombëtare dhe bashkëpunimin mes Kosovës dhe Shqipërisë. Marrëdhëniet tona shkojnë përtej diplomacisë. Ato janë vëllazëri, histori dhe një e ardhme e përbashkët. Shqipëria dhe Kosova ecin së bashku, të lidhura ngushtë nga vlerat dhe përgjegjësia ndaj kombit tonë”, ka shkruar Hamza në Facebook.
