Kryetari i Partisë Demokratike të Kosovës, Bedri Hamza, e ka vlerësuar si të dobishme për Kosovën miratimin e ligjin për Dhomat e Specializuara, pas dënimit të ish-krerëve të UÇK-së nga Gjykata Speciale më 16 shtator me 81 vjet heqje lirie.
Hamza tha se ky ligj nuk synon të pengojë drejtësinë, por, sipas tij, të sigurojë që ajo të vendoset në mënyrë të drejtë, duke kërkuar mbikëqyrje, transparencë dhe llogaridhënie.
“Është një ditë e dobishme për Kosovën. Për mua është tepër e vlefshme, pasi Kuvendi ka kaluar ligjin për Dhomat e Specializuara. Ne dëshirojmë të mos pengohet drejtësia, por të vendoset drejtësia. Ne dëshirojmë që t’i garantohet drejtësi luftës, UÇK-së, të ketë po ashtu mbikëqyrje, transparencë dhe llogaridhënie. Jam i bindur se me këtë ligj është siguruar që lufta e drejtë e UÇK-së nuk mund të gjykohet dhe historia nuk mund të rishkruhet”, tha Hamza.
