Kreu i Partisë Demokratike të Kosovës, Bedri Hamza, ka uruar qytetarët e vendit me rastin e Ditës së Kushtetutës së Republikës së Kosovës.
Hamza ka theksuar se Kushtetuta përbën aktin më të lartë juridik të shtetit, mbi të cilin mbështetet rendi demokratik dhe garantohet mbrojtja e të drejtave të çdo qytetari.
Ai e ka cilësuar Kushtetutën si udhërrëfyesin kryesor për ndërtimin e një shteti ligjor, të drejtë dhe të barabartë.
Gjithashtu, Hamza ka nënvizuar rëndësinë e zbatimit të plotë të Kushtetutës në çdo situatë, duke riafirmuar përkushtimin e PDK-së për respektimin dhe mbrojtjen e saj në çdo kohë.
“Gëzuar Ditën e Kushtetutës”, ka përfunduar urimin kreu i PDK-së.
